GeoKäsche is öppis unterhaltsams. Je nach Sichtwies wie ä Chrützig zwüsche Schnitzujagt u Schatzsuechi. Eifach modern mit TschiPiÄs. Me cha Stunde über Stunde mit sueche vo Böxli, Röhrli, Dösli, Naduchöpf im Heuhuufe und ähnlichem verbringe. Sigs ds Fuess, ufem Velo (2Rad-CachingMobil), mittem Outo, mittem Töff oder süsch irgendwie. Mängis aleini, mängisch mit dr Fämili oder mit anderne Käscher.
Zum Käsche chame gnadelos viu Statistik betribe. Um uf die Stitistike ds cho, tuetme tradizionelli Käsche finde, löst Rätsu, macht Multis (die entspräche am ehste er Schnitzujagt), scharet im Unterholz, i Muurritze, schnaaget dür Abwasserröhre, chläteret uf Böim, tuet müglischt unuffällig u lernt dr bi ganz nöi Orte kenne wo me eigentlich meint, me kennt se. Sogar lerne tuet me öppis. Bim Sueche vo Käsches ire Stadt latscht me nüm ziellos ume, sondern cha ä Multi grad als Stadtbesichtigung bruche.
Ds Dehei vo allne Käscher isch d Organisastion dr hinder. Geocaching.com
Di nachfolgendi Statistik isch über Project-GC entstande.
